कभी खंडराती कभी मंडराती कभी कभी कडक है और गिरगिट को दुसरो रूप झुंझुनूं की सड़क है तो म्हारो झुंझुनूं म्हारो अभिमान के लिए बहुत जोर की जुगत ढूंढ कर लाई हूँ और ई के लिए हिमालय पर तपस्या कोनी करी बस मोदियो की जाव में बैठ कर चाय की चुस्कियों के साथ घणो जोर को आइडियो आयो है तो सगळा कान न अलर्ट करके सुणियो जरा….
घणी जोर की बात है…. चुगरो तो जरा भी ना करणो है….. आपा आपणी पीड़ा दूर कर ल्या..,.. आ के थोड़ी बात…. 🙏 🙏 राम जी भली करै ।
आपणे है न झुंझुनूं जिले की सारी रोड़ के नाम स्थानीय जनप्रतिनिधियों के नाम कर देनी चाहिए और जितने भी ब्रेकर है उनका नामांकन पार्षदों के नाम……. ताकि जब भी कुछ प्रिय अप्रिय हो तो क्रेडिट कार्ड देने मे कोई असुविधा न हो।
बानगी कुछ इस तरह हो कि राम जी फलाणा की सड़क घणी चौखी भगवान आगलो चुनाव भी चिकणो राख ज्यो….. अरे राम जी जिस्या बांकी सड़क मे धान्या पड्या बैणने चुनाव में बता दियो।
ओ राम जी जिसो सुरूप ब्रेकर है बी सारी को ब्रेक पार्षद न दे दियो और चौक चबुतरो जिसो सोणो… बिस्यो बीको बडों भाग… 🙏
और सड़क पर ज्यादा पानी हो तो…. ओ हेलो सुणियो कि ओ म्हारे राम जी…. बी पार्षद की गळी डूबगी और सड़क बढिया हो तो राम जी ओ म्हारा… जी सी बीकी सुथरी गळी… बिस्यो बीकी पीढिय़ां को भाग कर दिज्यो राम जी…
सावण को माह है तो सडका को ब्रेकर का नया नया नाम सोचो जीवङा…. राम जी भली करे 🙏 🙏
अब जी गळी का पेड़ उग ज्या तो कह्यो की राम जी ई रूख की बेळ जसी अठे के नेता नांगळा की भी बेळ हरी भरी होवे और जा का पौधा बळ ज्या तो बोलो राम जी सात पीढ़ी री बेळ बचावण खातिर एण नेता नांगळा न सामर्थ द्यो राम जी…..।
जेण गळी चौरी होज्या तो हेलो ओ होणो चाहे कि फलाणे डिकणे के पार्षद के या मंत्री की गुवाडी मे चौरी होगी है… हे म्हारे राम जी बैण के वोटा री चौरी को जाबतो बणायो राखियों ओ राम जी और जे गळी का चौर पकड्या ज्या तो राम जी भला मिनख का वोट चौरी न होवण दियो ।🙏🙏
जेण के सिलेंडर खत्म होता ही आज्या तो आशीष द्यो कि भगवान एण के रसोई रा सिलेंडर बणा रवै सा तो आगलो जन्म कुण देखी र जीवड़ा…. आपणे ई जन्म के सुख-दुख मे आपणे नेता नांगळा ने जोड़ने की तैयारी करो…. कै तो सिंहासन बदळ जासी तो के पुजारी बदळ जासी….. राम जी सै की भली करै 🙏🙏
